اختصاصات قسم الرياضيات جامعة حلب

[someonestudying]

السلام عليكم..
يمكن تفكروا الموضوع بسيط (جبر و تحليل) و خلصت القصة
بس الجديد السنة القادمة في اختصاصات جديدة يعني خطة جديدة (و الله يستر)
يعني منعرف جامعتنا و خططها الحكيمة :36_1_4:
عم بقولو أنو اللي رح يدخل جبر بيختص جبر (حصراً) و التحليل تحليل
طيب شو ذنب الطلاب إيه بجوز ما يفتحوا مثلاً غير تحليل أو غير جبر و تحليل و ما يكون في مثلاً ميكانيك مثل كل سنة فيكون ممنوع من طالب رياضيات إنو يختص ميكانيك أو نمذجة أو برمجة أو أعداد مثلاً لأنو ما فتحوا الفرع اللي بيسمحلو يكمل بهالاختصاص
رجاء يللي بيعرف شو لازم ندخل لحتى نكمل و شو يعني اختصاصات يقول
لأنو لازم نبحث من الآن حتى نعرف النتيجة...

[محمد بادنجكي]

الأخت إيمان شوفي هالرابط:
http://www.arab-math.com/forum/showthread.php?t=12
فيو اختصاصات قسم الرياضيات و هالحكي مو من عندي هادا من عند الدكتور حمدو النجار رئيس قسسم الرياصيات و أكد لي الدكتور حمدو أنّ قسم الرياضيات التطبيقية ستدركه دفعتنا إن شاء الله تعالى و سيعنى هذا القسم باحتصاصات التالية بشكل أساسي : الذكاء الصنعي ــ البرمجة ـــ بحوث العمليات ـــ الميكانيك و الفلك بالاضافة لاختصاصات أخرى ...
و ذكر لي الدكتور بعض المواد التي ستدرس فيه و هي التحليل العددي المتقدم و المعادلات التفاضلية المتقدمة و البرمجة المتقدمة و النمذجة الرياضية بالإضافة إلى المواد المشتركة مع باقي الشعب
نسأل الله التوفيق في ذلك ...

[محمد بادنجكي]

لأنو لازم نبحث من الآن حتى نعرف النتيجة...

فكرة كتير حلوة
و بالمرة منتناقش شو ممكن نحن كرياضيين نختص
رغم إنو أنا برأيي و كما سمعت عن الرياضيات في الغرب أنّ الرياضيات هي كل شيء و كل العلوم الكائنة ما هي إلا اختصاصات في الرياضيات و الرياضيات هي التي تقود عجلة العلم في العالم.
فنحن الرياضيين :bo: الكل بالكل و كل العلوم مشاع إلنا و هيه عمتنتظرنا و هي تمد يدها و تقول :
"Please ??? Help!!! :36_1_32v: Help"

[someonestudying]

يعطيك العافية أخ محمد..
ما أتمناه أن نكمل بموضوع ما مرتبط بالحياة العملية أو بالعلوم المهنية
و على كل حال يبدو أنو علاقتك بالدكتور حمدو النجار وطيدة..:emot100:
طيب إذا ممكن فكرة عن الذكاء الاصطناعي (النظم الخبيرة) بجامعتنا..
يعني نيالك عنجد..
والسلام عليكم و رحمة الله..

[Raw]

الأخت الكريمة إيمان أبواب الدكاترة - و منهم بالطبع الدكتور حمدو النجار - على العموم مفتوحة لكلّ الطلاب .. ::: هذا ما لاحظته شخصيـّـاً ::: و بالتالي بإمكانك أنت أو غيرك بناء علاقات طيبة مع من تشائين منهم و بالنسبة للدكتور حمدو النجار عندما نزوره في غرفته برئاسة القسم أنا و الأخ محمّد يعاملنا بكلّ ودّ فيستقبلنا و يصافحنا و لا ألاحظ لديه أي مانع من احتكاك الطلاب به ، و غيره أيضاً من الدكاترة كالدكتور شحادة الأسدي فهو قمة في التواضع و التفاني في خدمة العلم و غيرهم ...
إذا أرى أنّ هناك حاجزاً نصنعه نحن الطلاب بيننا و بين الدكاترة ...!!

المهم كنت عم تسألي عن الذكاء الصناعي ..
يمكن كان قصدك السؤال عنها بكليتنا و بقسمنا بالأحرى ...!
لأن في كلية الهندسة المعلوماتية بيهتموا بهالفرع من العلم .. بس نحنا الأصل !!!:36_1_11:
و كان ببداية الصيف الحالي رسالة ماجستير لإحدى طالبات الرياضيات بالذكاء الصناعي و و كان فريق الإشراف عليها من قسم الرياضيات و كلية الهندسة المعلوماتية معاً ..
المهمّ إذا بدك تدرسي بهالمجال لازمك شغل لوحدك كتير لأن بقسمنا لا ندرس منه إلا اليسير بل تنتهي كمية ما ندرسه إلى الصفر ، يعني مو بقيان عندنا غير مادة برمجة متقدمة بالسنة الرابعة و إذا صار عندنا شعبة معلوماتية ممكن يزداد عدد المواد وحدة أو تنتين و بالنتيجة لازم نتوسع لحالنا و نتعب على حالنا من هلأ و ما ننتظر الكلية إذا كنا جديين بالأمر ...!
و على فكرة كان في بندوة الرياضيات اللي صارت الأسبوع الماضي بالكلية محاضرة للدكتور حمدو النجار عن شي بهالخصوص عنوانها " بحوث العمليات و مجالات تطبيقيها في الحياة العملية "

يلا ستي أتمنى لك كلّ التوفيق في مساعيك و ان شا الله منكون كلنا سوا بالدراسات العليا .... ®

[محمد بادنجكي]

بالنسبة لعلاقني بالدكتور حمدو فهيه فعلاً و طيدة و الدكتور حمدو القسم فعلاً تنشط على زمانو بشكل ملحوظ و أي طالب فيو يلاحظ هالشي
يعني نحنا متى كنا نسمع بندوة للرياضيات و لو كانت سخيفة لحد بعيد بس يعني صار في حركة و بعدين عنا مؤتمر دولي بالشهر 12 و حركات طلاب الماجستير و هالسيمينارات اللي عمتصير ...
وبعدين تصوري إنو كنا عمنشتغل ببحث بالصيف و الدكتور حمدو عرض علي يعطينينا غرفة اجتماعات الدكاترة نشتغل فيها
هادا اللي عندي إنتي قرري شو رح تكون و جهة نظرك تجاه هالإنسان ؟؟؟
بالنسبة لاختصاص النظم الخبيرة اللي سألتي عنو فهو فرع من فروع علم الذكاء الصنعي و هو فرع معقد جداً و صعب و يعتمد على التراكم يعني شخص لحالو صعب جداً يعمل نظام خبير مميز
لازم كذا جيل يشتغل لحتى يطلع عنا نظام خبير و اللي بتتكون قاعدة البيانات فيه هي مجموعة معلومات و أسئلة مثل إنو عبيحالو يعملو طبيب عن طريق النظم الخبيرة بجي الشخص بيحكيلو مشاكلو بيقوم بيشرحلو العلاج و بيعطيه دوا متل هيك مشروع تخيلي شأد ممكن تكون قاعدة بياناتو كبيرة و تحوي معلومات كثيرة بس بالنسبة لهذه الإختصاصات كلها تندرج تحت إطار الرياضيات التطبيقية و التي هي متاحة و الحمد لله عنا بالقسم
يعني إي طالب رياضيات بدو يدرس هيك إختصاصات معلوماتية أو إلكترونية حتى فيو يروح عأي دكتور بجامعة حلب و يدرس عندو بأي كلية بجامعة حلب و يناقش أطروحته في قسم الرياضيات
مثال على ذلك رسالة الماجستير اللي حكى عنا راغب هي صارت بكلية الهندسة المعلوماتية بإشراف الدكتور فاضل سكر أستاذ مساعد في كلية الهندسة المعلوماتية قسم الذكاء الصنعي و هكذا
أرجو أن أكون أجبت عن تساؤلك أخت إيمان و المايكروفون معك...

[someonestudying]

شكراً لتعاونكما أخوي الكريمين و يمكن نحن لأننا ما منعرف الدكتور حمدو النجار ظلمنا شوي..
بس أخ محمد بالنسبة للذكاء الاصطناعي أنا عندي فكرة عن المبدأ و لكن سؤالي أنو طلاب الرياضيات لما بكملوا فيه شو بيدرسو نمذجة متقدمة مثلاً
على فكرة محاضرة الدكتور حمدو النجار عطتنا فكرة جيدة نسبياً عن الموضوع ..
و شكراً مرة أخرى..:36_1_6:

[Raw]

سؤالي أنو طلاب الرياضيات لما بكملوا فيه شو بيدرسو نمذجة متقدمة مثلاً

بما أنّ الذكاء الصناعي عموماً لا يدخل في المواد المقررة على الطلاب فلهم حرية البحث في هذا الأمر ...!
و نفس الأمر ينطبق على أي فرع آخر غير موجود لدينا كالميكانيك السماوي مثلاً ...!®

[محمد بادنجكي]

بس أخ محمد بالنسبة للذكاء الاصطناعي أنا عندي فكرة عن المبدأ و لكن سؤالي أنو طلاب الرياضيات لما بكملوا فيه شو بيدرسو نمذجة متقدمة مثلاً

هو كلشي إله علاقة بالنمذجة و خصوصاُ إذا دخل الذكاء بموضوع المحاكاة و صنع القوالب الرياضية أو الخوارزميات الذكية بس الذكاء إله دراسات أعمق من أنه نمذجة و بس و أهم إختصاصاته و على ما أذكر :

معالجة اللغات الطبيعية و توليد الصوت

بالنسبة لمعالجة اللغات الطبيعية فهو موضوع برمجي بحت يتم باستخدام لغة خاصة تدعى Prolog أي programing in logic و متعب جداً و يحتاج إلى و قت طويل و هذه اللغة ما بتشبه أبداً لغات البرمجة اللي منعرفها أو اللي سمعنا عنها هون نمط المتحولات في قاعدة و معرفة و شي ديخل ببعضه و هي متعبة جداً و بدها واحد مو بس دمو بارد ما عندو دم أبداً و مثال على ذلك رسالة الماجستير التي قدمتها الطالبة سمر معطي في القسم عنا بعنوان : تصمصم و تنفيذ نظام تشغيل صوتي للمكفوفين فعندما المكفوف يخاطب جهاز الكومبيوتر يجب على الجهاز أن يفهم اللغة التي يخاطب بها فتصوري شأد مشروع ضخم

معالجة الصورة و الرؤية الحاسوبية

و هو موضوع يعتمد على المصفوفات و الجبر الخطي بشكل أساسي


النظم الخبيرة و اللي تحدثنا عنها

الشبكات العصبونية و يمكن برمجتها بأي لغة برمجة و لكن هذا صعب جداً فهناك بيئات مختصة لهذا الأمر مثل بيئة البرنامج الرياضي الشهير ماتلاب و هو علم رياضي معقد أيضاً و يعتمد على كلشي إسمه رياضيات جبر و تحليل و في عتبة تنبيه للشبكة من مرنها عدة مرات حتى تصبح قادرة على استجابة دقيقة و هو عبارة عن محاكاة للشبكات العصبية عند الإنسان

و بالنهاية هالإختصاصات كلها طلعت من عنا نحن الرياضيين و نحن مسؤولين عن تطويرها ...

[hosam]

انا طالب بقسم الرياضيات سنة ثالثة
انا من محبي البرمجة والميكانيك ودرجاتي تدل على ذلك فارجو الى من يهمه ذلك ان يجيبني عن تساؤلي
انه هل سيقتتح قسم الرياضيات التطبيقية في العام القادم 2008 أم انها مجرد كلمات قيلت....؟
ارجو ممن له علاقة برئاسة القسم ان يجيبني بشكل دقيق واتمنى الا يخذلني



طالب متواضع:emot112: