أضف هنا اقتراحاتك للموقع

[مسلمة]

السلام عليكم

عندي اقتراحات رح أطرحهها و ممكن يطرح البعض اقتراحاته بهالموضوع لنساعد افدارة ببعض الأفكار
يعني موضوع مفتوح للجميع ..

شو رأيكم تحطو شريط عناوين بأعلى الصفحة بيعرض آخر المشاركات ؟؟؟

[محمد بادنجكي]

اقتراح حلو كتير أخت مسلمة و نحن فكرنا فيه
و بوعدك إنو ناخد هالاقتراح بعين الاعتبار و سيشاهد الشريط عن قريب بإذن الله .

[Raw]

أهلاً و سهلاً بك و باقتراحاتك أختي الكريمة ...

الشريط الذي ذكرتيه حضرتك ( شريط آخر عشرة مواضيع ردّ عليها ) جاهز لكن الآن غير فعال بانتظار نشاط أكبر للمنتدى ... فليس من المعقول أن تجدي نفس العنواين فيه طوال اليوم في ظل قلة الردود ...

و ربما هناك أشرطة أخرى يمكن أن تدرج في صفحات المنتدى حسب الحاجة لها ...®

[مسلمة]

محمد بادنجكي:
شكراً إلكم ولتعاونكم

[مسلمة]

Raw:
كما وجهة نظر بس الشريط حسيت بيعطي حركة للموقع
يالله ان شاء الله شهر تاني بنحطه



و ربما هناك أشرطة أخرى يمكن أن تدرج في صفحات المنتدى حسب الحاجة لها ...®


متل شو ؟؟!!!

[Raw]

متل شوووو ؟؟؟
:emot106:

مثلاً شريط أخباري يعني آخر أخبار الرياضيات على الساحة المحلية و الدولية أو أي شي ممكن يخطرلنا نحطه يعني ممكن يكون شريط اعلانات لنشاطات الموقع ....® :sita123:

[someonestudying]

أخت مسلمة ..
أخوتي الأعضاء..
ممكن نحن حتى نعطي راحة أكبر أثناء عرض المنتديات إنو نخفف شوي من الصور
و خاصة صورة الملف الشخصي للأعضاء..
يعني و الله ما بدو كل هالشي يا مسلمة ..
حاشية صغيرة كتوقيع أو صورة تكون ما تاخد مساحة كبيرة والله أريح
...
و عفواً على كل حال..

[Raw]

أختي الكريمة ...
من خلا تجوالي في المنتديات اكتشفت أن طلبك غير قابل للتحقيق عملياً ..!!
فأنا كنت كلما دخلت و رأيت التواقيع الضخمة و الصور المتحركة التي تأخذ حجوم كبيرة أنادي و أصيح با جماعة الخطوط عندنا تعيسة و ما حدا يرد...!
يعني ممكن عضو اتنين تلاتة يتجاوبوا بس ما فينا نجبرهن بالأخص على التوقيع لأنه عم يتحمل خارج الموقع ( على مركز تحميل خارجي ) و بالتالي لا نستطيع تحديد حجمه أما الصورة الشخصية نستطيع التحكم بحجمها و هو الآن 90 كيلو بايت ... و ربما سنقلله حتى 50 ...!

و بهذا الخصوص ..
إذا فتحتي إحدى الصفحات و كانت تحوي صورة ما فلن يكون الأمر صعباً إذا فتحتي صفحة أخرى فيها نفس الصورة لأن الصور تحفظ في مجلد الملفات المؤقتة ولن يضطر المتصفح لجلبها ثانية ... إذا حافظي على المجلدات المؤقتة و التاريخ و سيكون الأمر أكثر سهولة ... ®

[مسلمة]

Raw:
بالانتظار :rolleyes:

someonestudying:
شو دليتك عالموقع بلشتي اول الشي فيني !!!!:mad:

يمكن انتي لانو مو متابعة كتير منتديات هيك عم تحكي
الصورة اللي بتوقيعي تعتبر وسط مايلة للصغر جنب غير صور بتوقيع غير اعضاء
بتضل الصورة الشخية بتعبر عن شخصية الواحد هي و التوقيع
بالنسبة لصوتري الشخصية معك حق انا كنت مفكرة انها رح تطلع بحجم اصغر اذا كتير زاعجتك بصغرها على الفوتوشوب وبرجع بحطها ..:cool:
وبعدين خلص بس اول مرة بتفتحي الصفحة بيصير عصوبة بس بعدين خلص بتكون انحفظت على الجهاز ;)

[tarik_math]

ما رأيكم في وضع مكان خاص نسميه "موسوعة الرياضيات" أي كل من له معلومة في الرياضيات يضعها في هذه الخانة؟

[boder_man]

مرحبا أتمنى أن يعجبكم تفكيري
لمادا لا نظيف ملف آخر إلى جانب الجبر نسميه تاريخ الرياضيات
نضع فيه معلمات مهمة و يكون بمتابة الإجابة على ماهية الأشياء أي كيف جاءت pi و ماهي الدوافع التي جعلتها تظهر
شكرا آسف لم أعرف نفسي أنا boder_man عضو جديد

[Raw]

أخي Boder Man
بإمكانك التعريف عن نفسك هنا ؛؛
http://www.arab-math.com/forum/showthread.php?t=15 (http://www.arab-math.com/forum/showthread.php?t=15)

أمـّـا بشأن اقتراحك للقسم الجديد أظنّ أنّ هناك قسم يعالج هذا الأمر و هو قسم علماء الرياضيـّـات
http://www.arab-math.com/forum/forumdisplay.php?s=&daysprune=&f=38 (http://www.arab-math.com/forum/forumdisplay.php?s=&daysprune=&f=38)

أمـّـا عن الموسوعة يوجد موضوع جزئي بهذا الخصوص من هنا ؛؛
http://www.arab-math.com/forum/showthread.php?t=67 (http://www.arab-math.com/forum/showthread.php?t=67)

و إن شاء الله يكون هناك قسم مخصـّـص للموسوعة لكن الأمر لم يدرس بشكل تامّ حتّــى الآن ؛؛

بكلّ حال انتظروا الجديد بعد انتهاء شهر الامتحانات بإذن الله :emot151:

شكراً لمشاركتك معنا أخي

دمتم بخير ؛؛

®

[supernova]

السلام عليكم و رحمة الله
انا عندياقتراح انو ليش ما بتنزلو ع الموقع علامات المواد الامتحانية بالجامعة هيك منكسب عدد اكبر من الزوار للموقع يعني ممكن تختص مجموعة من الاعضاء بهادي المهمة بأنو يصوروا العلامات من الكلية و يحولوها على شكل كتاب الكتروني و يحملهوها للموقع......... و انا اول المشتركين من جامعة تشرين.سوريا....و شكرااااااااااااااا....