أخبار السنة الثالثة ومحاضراتها

[مسلمة]

السلام عليكم
خطرلي لي انو نفتح هالمووع لحتى اذا كان بدنا أي استفسار ولو كان بسيط عن المحاضرات بقسم الرياضيات السنة التالتة نحطه هون .. يعني متل
أسلئلة عن المحاضرات وهل اجى الدكتور أو لأ على محاضرة معينة للي ما عندهم معلومات ..

:rolleyes: :rolleyes: :rolleyes:

[مسلمة]

يوم الثلاثاء والاربعا هل كان في دوام ؟
يعني دكتور العقدي والميكانيك عطوا شي ؟

ودكتور البيان عطى محاضرة شي ؟؟؟؟

[محمد بادنجكي]

يوم الثلاثاء والاربعا هل كان في دوام ؟
يعني دكتور العقدي والميكانيك عطوا شي ؟

ودكتور البيان عطى محاضرة شي ؟؟؟؟
و الله يوم الثلاثاء أخدنا محاضرة ميكانيك و المحاضرة الثانية من الفيزياء للرياضيين و فوتنا الدكتور بستمية حيط و أخدنا كمان محاضرة بنى و بدينا بالموديولات و تعريفها و بعض التعاريف الثانوية و الخصائص
و بالنسبة للتحليل العقدي دخل الدكتور و عطانا مفردات المقرر و يوم الأربعاء ما عاد رجع و نظرية البيان ما أجى الدكتور حمدو

[مسلمة]

محمد بادنجكي :
والله مستعجلين الدكاترة .. بس دكتور الميكانيك ما اشبه شي , مو كتير ممل بس الفيزياء لسا ما تشرفت بمعرفته ..


وحمدو أكيد ما رح يجي بكيون مشغول هلء ..
بس محاضرة البنى أتوقع رح مليتو لانو ما فيها كتابة ما هيك ؟ !!


طيب حدا بيعرف شو هنن المواد اللي بيلزمهم كتب ؟؟
انا سمعت انو الميكانيك ممكن ينجاب الها كتاب ..
والبيان والبنى ما الهم كتاب هي شبه متأكدة منها
والباقي حدا بيعرف شي ؟ رح تشتروا كتب لإلهم ؟

يعطيكم العافية :)

[Raw]

و الله يا زميلتي .. الدكاترة عاديين بس نحنا اللي مو مستعجلين ...!
هي سنة تالتة مو لعبة ...

أنا عم إحكي هالحكي بس كمان ما داومت .. بس رح جيب أجل الدوام بس إفضى ان شا الله ..

الكتب ...
بعمرها ما كانت الكتب تفيد متل ما بفيد فهم المقرر من الدكتور مباشرة ..
و على كل أي مرجع بأي مادة عم ندرسها ممكن يفيد .. و خصوصواً الفيزيا و التحليل العقدي و الاحتمالات ..®

[محمد بادنجكي]

الأخت مسلمة :
الدكتور خراط قال إنو الكتاب المقرر هو الميكانيك 3 الذي هو من تأليفه
و الدكتور كردي دكتور العقدي قرر كتاب الساحة العقدية للدكتورة إلهام الحمصي
و دكتور الفيزياء قررلنا بس شي خمس ست مراجع ماعدا الفراطة
الأخ Raw :
ما يهم ليس بالنسبة للنجاح ليس المراجع و ليس العلم المهم إنو تبصم المحاضرات و إن فهمت و لا لأ مو هالمشكلة العظيمة إنا هي نتيجة تجربتي في السنتين الماضيتين

[مسلمة]

Raw:
لأ مو دائماً الكتب ما بتفيد .
في عندك تفاضلية 1 وتفاضلية 2 كتير انا استفدت من الكتب ومن التمارين اللي فيهم وانا عبسأل اذا في لمواد هالسنة كتب متل ما كان في كتب للتفاضلية .. :rolleyes:

محمد بادنجكي :
انا سمعت بكتاب الساحة العقدية من طلاب السنة الرابعة بس ما كان إلي خبر انو الدكتور قال عليه هلء .
والفيزياء سمعت انو في كتاب خاص بالحرارة من منشورات كلية الكهرباء بنحسن نستفيد منه
على كل حال انا رح أشتري حالياً المرجعين اللي انت قلت عليهم

الله يجزيك الخير ..:)

[مسلمة]

السلام عليكم

يا جماعة صار شي دوام يوم الاحد والاتنين قبل العيد ؟؟
انا عرفت انو الاحد دكتور الفيزياء عطا محاضرة
طيب دكتور الاحتمالات عطى شي ؟
ويوم الاتنين حدا بيعرف انو شي دكتور عطى محاضرة ؟؟:cool:

[Raw]

يوم الأحـّـد صار محاضرة فيزيا صغيرة لأن الدكتور الله يعطيه العافية صار يحكي عن الهلال و القمر و بتعرفي لما بيسرح ...!!!
أما احتمالات لأ ما صار ...
و الاثنين ما صار شي بنوب ... ®