المساعد الشخصي الرقمي

عرض الإصدار الكامل : شو منشان مادة الفيزياااء

مسلمة
10-29-2006, 01:22 AM
السلام عليكم

يا جماعة شو منشان مادة الفيزياء _ لالنا سنة تالتة رياضيات _
شلون عبتدرسوها ؟ :confused:
اللي عبيعطيه الدكتور بالمحاضرة كله ما منه فايدة , وأصلا ما بنحسن نكتب وراه :36_1_6:

فأنت شو الوضع عندكم ؟؟ :rolleyes: :cool: :cool:
محمد بادنجكي
10-29-2006, 05:25 PM
و الله أنا بالنسبة إلي بكتب كلشي بيقولو الدكتور حتى إذا عطس بكتب إنو عطس
و و المادة كتير حلوة بس بدها شوية و قت و تركيز
بس أنا هالعبارة مافهمتا
اللي عبيعطيه الدكتور بالمحاضرة كله ما منه فايدة
يعني إذا بتحبي منطرح المواضيع هون موضوع موضوع و منتناقش ؟؟؟
شو رأيك ؟؟؟
Raw
10-29-2006, 05:26 PM
الوضع يا ستي على الشكل التالي ...
اكتبي كل شي عم يحكيه الدكتور و تعاوني أنتي و كم رفيقة مع بعض عالمحاضرات مشان ما تفرشوو!!
ايه و بعدين استخدمي سليقتك الرياضية بشأن الحذف ...
يعني قلتي أنو في كتير شغلات بلا فائدة .. لذلك أبشرك أنو حكيك صح ... و بالفعل عندك العشر محاضرات الأولى بينحذف منها 60% .....!!!
يعني استفتي قلبك بالحذف ... و شغلة تانية حلي أسئلة دورات ... ®
Raw
10-29-2006, 05:35 PM
كلشي بيقولو الدكتور حتى إذا عطس بكتب إنو عطس

يرحمك الله ...!!!®
محمد بادنجكي
10-29-2006, 05:36 PM
يعني استفتي قلبك بالحذف ... و شغلة تانية حلي أسئلة دورات ... ®
ياسلام على هالنكهة العلمية
بالنسبة للحذف بينحذف كلشي برهناه رياضياً و الدكتور صرح بهالشي و قال إنو هو ما عميمتحنما بالرياضيات
و ما رح يجيب متل برهان تكاملات بواسون و براهين الاحتمالات
أهم شي لحد الآن أخدناه هو الربط بين العلاقات الترموديناميكية و تفاضلها و معادلة فاندرفالس و عليها يمكن كلن ثلاث أسئلة و المسألة الي حليناه في المحاضرة العاشرة تبعية الاحتمال لوجود عدد معين من الجزيئات ضمن حجم معين من السائل
بتصور هادا أهم شي أخدناه لحد الآن...
مسلمة
10-30-2006, 02:06 AM
محمد بادنجكي :
والله ان اكنت متلك بس بالأخير بصراحة شي بيملل
يعني بنكون عبتكتب شغلة فجأة بتخطرله شغلة تانية ووبنكتب غير شي ..:eek:

على كل حال انا هاليومين قررت شو رح اعمل
رح اجيب شو اخدناه بالمحاضرة اضافة الى اللي عطاه الدكتور هديك السنة _ ملخص هديك السنة صار متوفر عند الكل طبعاً! _ وبعدين بدي أقارن بين كل هدول وأبيض المحاضرات غير هيك ما رح تندرس المادة معي :confused:

وبالنسبة لجملتي لازم ما أكتب كل المفروض أكتب أغلب الي عبيعطيه الدكتور ما منه فايدة وانا حكيت هالحكي بناء على حكيه
لانو هديك المرة بعد ما قضى كل المحاضرة عبيكتب ويشرح بعد ما خلص قال هاد كله انا ما بيهمني ولا رح أجيبه :mad:

Raw:
والله منشان الحذف انا بخاف احذف هيك عشوائياً , وحتى ولو حسيت الفقرة مو مهمة رح ادرسها :rolleyes:

على كل حال والله انا شايفة شكلكم دارسين , لهيك رايحة ابلش أدرس المادة واذا طلعلي شي أسئلة رح أقلكم ..ما في غير هيك ..

ومنشان أسئلة الدورات إيه والله هي أحسن الشي , مو بس للفيزياء كل المواد ما في مادة بتنجح الا اذا الواحد درس أسئلة الدورات بشكل تاام ..
Raw
10-30-2006, 02:24 AM
أولاً في ظروف النت السيئة هذه أنا أكتب ردي بناء على ما علق في ذاكرتي التعيسة من ردوكم لأن الصفحة لا تظهر لدي كاملة ...!
المهم بالنسبة للفيزياء ...
برجع بقول الحذف ضروري .. بس مو عشوائي يعني ما نحذف الصفحات الفردية مثلاً و ندرس الزوجية ...
يعني بترجع الشغلة للخبرة .. و أهمّ شي الفراسة .. بتعروفوا يعني لازم واحد يكون عنده فراسة بالدكتور .. هيك دكاترتنا بدهن الطالب مو بس يطلع عالم رياضيات لازم يكون متل ليوناردودافنشي بيفهم بكل شي ...!!
هي شغلة ..
شغلة تانية ...
أنا ما بنصح أبداً بملخص السنة الماضية للدراسة .. ، أما مشان التمارين و الاستزادة ممكن .. لأن الدكتور ما بيعطي نفس الشي كل سنة ..!!
و كل سنة في تغيير و لأن متل مو شايفين الدكتور بيعطي اللي عم يخطر بباله و مافي كتاب عم يعطي منه بوضوح يعني النتيجة بدون أي قيد لذلك بيجينا كل سنة مقرر مختلف .... الله يعني اللي بيحملهااا
و قلك شغلة بصراحة حاولي تنفدي من المادة و ألف خير ... يعني ابحثي من أين تؤكل الكتف .. شوفي وين في علامة و اقتنصيها و بالنهاية هيه فيزيا يعني لو نجحنا فيها بدون ما نتقنها 100% مو جريمة ..
و على العموم مبدئيـّـاً احذفي أي شي فيه برهان رياضي و ركزي على علاقات الترموديناميك و في منها سؤال نظري بـ 15 علامة بئا شوفي شو ممكن يجي نظري بـ15 و اعمليه سؤال و ادرسيه .. و بس ندرس بحث جديد منحكي وقتها ...!

و الله يوفقنا جميعاً ...®
محمد بادنجكي
11-03-2006, 02:28 AM
ببساطة شديدة كلشي براهين رياضية محذوفة و كلشي غيرها مطلوب
محمد بادنجكي
11-03-2006, 02:34 AM
:rolleyes:
على كل حال والله انا شايفة شكلكم دارسين , لهيك رايحة ابلش أدرس المادة واذا طلعلي شي أسئلة رح أقلكم ..ما في غير هيك ..

الله و كيلك ما عم أدرس غير هالمادة و الميكانيك و غيرهم ما بعرف شي أبداً عن المقررات
:rolleyes:
ومنشان أسئلة الدورات إيه والله هي أحسن الشي , مو بس للفيزياء كل المواد ما في مادة بتنجح الا اذا الواحد درس أسئلة الدورات بشكل تاام ..
كلام سليم جداً :36_1_11: